இரண்டு மரத்தால் ஆன பொய்க்கால்களைக் கொண்டு நடப்பதற்கு Stilt walk என்று பெயர். இது, தமிழ்நாட்டின் நாட்டுப்புற கலைகளில் ஒன்றான பொய்க்கால் குதிரை என்ற நடனத்தை தழுவிய விளையாட்டு IELC பார்வையற்றோர் பள்ளியில் 1983ஆம் ஆண்டு இவ்விளையாட்டு முதல் முதலாக அறிமுகப்படுத்தப்பட்டது. இவ்விளையாட்டு 6 அடி கொண்ட இரண்டு மரக்கம்புகளைக் கொண்டு அதன் மேல் நடப்பதாகும்.
இதில் பார்வையற்ற மாணவர்களுக்கு சிறப்புப் பயிற்சிகள் கொடுக்கப்படுகிறது. ஒவ்வொரு ஆண்டும் 10 முதல் 15 மாணவர்கள் சிறப்பாக பயிற்றுவிக்கப்பட்டு இந்த விளையாட்டில் கலந்து கொள்கின்றனர். இவ்விளையாட்டு பார்வையற்ற மாணவர்களுக்கு தன்னம்பிக்கையையும் தைரியத்தையும் உடல்ரீதியான உற்சாகத்தையும் பலத்தையும் கொடுக்கிறது. இந்த விளையாட்டு 1983 முதல் 50 மீட்டர் போட்டியாக நடந்துவருகிறது. இவ்வாண்டு இசைக்கு ஏற்றவாறு நடனமாடுவதற்கான பயிற்சி அளிக்கப்படுகிறது.
CBM எனும் சர்வதேச தொண்டு நிறுவனம் ஏழை நாடுகளில் உள்ள மாற்றத்திறனுடையோரின் வாழ்க்கைத் தரத்தை உயர்த்த ஆர்ப்பணிப்போடு செயல்பட்டு வருகிறது. வறுமையே ஊனத்திற்கு காரணமாகவும் பின்விளைவாகவும் அமைகிறது என்பதை மையப்படுத்தி பிற நிறுவனங்களுடன் இணைந்து பணியாற்றி அனைவருக்கும் ஏற்ற ஒரு சமுதாயத்தினை உருவாக்கப்பாடுபடுகிறது.
தொலைநோக்குப் பார்வை
ஒருங்கிணைந்த முழுமையான சமுதாயத்திலே மாற்றுத் திறனுடையோர் அனைவரும் தங்கள் திறன்களை முழுமையாக பயன்படுத்தி வாழ்வதோடு, மனித உரிமைகளை முழுமையாக அனுபவிக்கவும், மாற்றுத் திறனுடையோரின் வாழ்க்கைத் தரத்தை உயர்த்தவும், தாழ்ந்த சமுதாயத்தில் உள்ள மாற்றுத்திறனுடையோருக்காக உதவவும், அவர்களைப் பாதுகாக்கவும் சேவை புரிகிறது. மாற்றுதிறன் உடையோர் கல்விக்காகவும், மறுவாழ்வக்காகவும் மஹாராஷ்ட்ரா, ஆந்திரா, கேரளா, கர்நாடகா, தமிழ்நாடு, மாலத்தீவு, கோவா மற்றும் புதுச்சேரியில் தன்னார்வு தொண்டு நிறுவனங்களுடன் சேர்ந்து பணியாற்றி வருகிறது.